شجرة. عصفورة. استماع. صمت. صفنة. عضلة. صرخة. ملّولة. حركة. مشي. مشاركة سندويشة فلافل مع النملة. غوص. غوص. غوص. حب. كتابة. رسم. سالاد. طنجرة باستا. تمغّط. عبطة. كهربا ززززز. وحش. وحش. أفق. صحرا. زعترة. بطمة. حب. غوص. غريزة عزيزة.
تجمع مدرسة الزيزي، التي انطلقت أولى صفوفها في عام ٢٠٢٠ بشعارها {{امبلى فلسفة}}، الفضاء بالأرض والوحش بالوحش والواقع بالخيال. جلوسا تحت الشجرة أو متعلّقين من أغصانها، مداعبة لرمال الصحراء، بالمشي والصفنة والكتابة ابتعادا عن التشويش والكركبة، تعزز المدرسة الاستماع والغَوص بحثا عن السؤال القابع في السؤال داخل السؤال وخيالك أفق بلا حدود. كرّري مع الزيزي: “أنا كرشي كبير وبحبّه كتير | أنا كرشي كبير وبحبّه كتير | أنا كرشي كبير وبحبّه كتير.” شكرا. المدرسة مسرح عائلة الروكّا لاختبار الفلسفات ونسج البربغندات بالاشتراك مع طلبة مدرسة الزيزي وهم وحوش المدرسة إلى المالانهاية ومعا يمكن إعادة تعريف المكان والزمان وكركبة المستحيل. ومن فلسفات الزيزي: في البدايات نهايات وفي النهايات بدايات.
تحققت مدرسة الزيزي في دوراتها الأولى والثانية والثالثة بالتعاون مع مساحة أمان.
تحيّة خاصة لضيفات المدرسة: ليلى فغالي لمشاركتها حكمتها ومعرفتها عن سحر النبات، وسماح حجاوي لتعزيز علاقاتنا مع النجوم، وباولا فرّان للدعم العاطفي واللوجستي لتحقيق رحلة تخييم برّي. وشكرا للعصفورة والشجرة والفراشة والفطر، شكرا لكل الحيوانات والنباتات الأحياء منها والأموات، شكرا يا القمر وعيون الماء والرياح والشمس، شكرا لأنّك رفيقتنا ومرشدتنا في رحلات المدرسة.
مهمّة زيزي في مدرسة الزيزي ٢ “امبلى فلسفة” هي دعوة أهل الأرض من البشر للتعمّق التعمّق التعمّق التعمّق التعمّق فكري شو أوّل شي بتشوفه العين؟ بلوزة، أعمق شو؟ تي شيرت. أعمق شو؟ فانيلا. أعمق؟ سوتيان. أعمق؟ نمش. أعمق؟ جلد. نبض. دم. حرارة. بكتيريا. ذكريات. ترومات. أحلام. جوع. أعمق أعمق؟ غبرة. هل لمستي غبرة الدودة هل شميتي غبرة ورقة الشجر ورملة الصحرا هل أكلتي برادات الغيمة وتغريدة العصفور وذرات الأكسجين هل لمستي سواد المجهول؟ بناء على توصيات غولات الكواكب وتنّينات شجر النجوم، زيزي حاملة معاها سؤال. لتسمعي السؤال، لتفهمي السؤال، لتاكلي السؤال، زيزي بدها ايّاكي تاخدي خطوة ابتعادا عن التشويش، تخفيف الضجّة، وممارسة التمعّن والتآلف مع الصفنة من أجل التعمّق.
زيزي بدهايّاكي تاخدي نفس.
خدي نفس
زيزي بتسألك شو هو ريزون ديتريك؟
شو يعني ريزون ديتر؟ هو سبب وجودِك. معنى كينونتك. هدفك. سببك. مهمتك. الزيزي اللي فيكي. مارسي تمارين التبربغند والتفلسف والعضعضة، فلتي نفسك للغوص والتلغوص والتشابك والتطارح والتلاخم. تعمّقي بكل شي، وتعمّقي بولا شي.
وهادا السؤال رفيقِك طول المدرسة، هو ريشة دغدغة وحش التفلسف اللي جواكِ، هو الصفحة هو الريشة هو الحبر. هو الكلسون اللي ما بتغيريه. زيزي بتدعوكي يكون هادا السؤال دايما معك من الصبح لليل. هادا هو السؤال اللي في بطن كل الأسئلة التانية. كل يوم بتغوصي أكتر.
شو هوّ الريزون ديتر تبعولك؟ تمرين الكتابة: في نصف ساعة أكتبي ما لا يقل عن صفحة مسودّتك الأولى جوابا على هادا السؤال.
الصور: مساحة أمان ووحوش مدرسة الزيزي
